時尚又顯瘦！︱6個韓國最流行秋季配搭

自從韓流襲港，韓風已經全方位入侵哂我地的生活，特別係妝容同服裝方面。韓國女仔的潮流觸覺可以話行係最前面。今年韓國掀起一股簡單俐落的穿搭風潮，行經典風格，簡單又不失時尚，我地梗係要跟上啦！

今日就同大家介紹2020年最韓系秋冬趨勢穿搭，話你知點樣著得保暖又顯時髦，有啲咩必備單品準備要入手，又有咩秘密穿搭術可以幫你搖身一變，比肩韓妹～

＃依舊是莫蘭迪色的天下

其實早係「延禧攻略」之前，韓國時裝界已經沿用咗莫蘭迪色一段長時間，直到而家依然主流。所謂莫蘭迪色，即是灰藍﹑磚紅﹑奶茶棕﹑蘭花紫等等，較低飽和度，表面彷彿蒙上一層輕微灰調的顏色，佢最大的優點就係非常百搭，唔容易出錯，無論職場定友聚都唔會奇怪，可以話係秋冬安全色。對於厭倦咗黑色﹑深藍色，想嘗試新風格又怕一唔小心過咗火的人，可以由莫蘭迪色開始，慢慢探索。

＃百搭西裝外套

韓妹一向風格百搭，近年女團之間girl crush大熱，影響埋大眾穿搭。由夏天起，就有唔少韓妹係instagram著上西裝外套，展現帥氣迷人的中性風格，而且純色外套好容易襯搭，著T-shirt﹑雪紡﹑針織﹑就算one-piece都無違和，平時著開斯文款的女仔更加係手到拿來，只需要白Tee﹑皮鞋就有滿滿時尚感～想性感﹑俏皮啲，可以下穿短褲或短裙，盡show美腿；想行型格風的話，可以外加一條皮帶，突顯強硬感。

想要少少顏色﹑為秋冬天添下亮點的大家都唔洗擔心。我地有一件超輕孖襟西裝褸，有唔同嘅顏色選擇（玫紅、奶茶、黑），而且佢板型偏長，啱啱好可以遮住patpat位。唔少坐Office坐得耐的OL都多少有假胯寬的煩惱，呢件就最適合啦～唔想太成熟正式，佢不防係一個百搭的選擇。翻工個陣摺低手袖，放工約咗朋友出街就摺起佢，一衫兩用，得咗！無論係扣鈕，開鈕，甚至係就咁披住，都好好睇，啱唒唔同場合啊~

＃舒適又顯腿長的高腰西褲

有西裝外裝，當然唔少得百搭的西褲啦！嚴格嚟講，西褲唔係咩新嘢，自從2016年K-pop復古風潮之後一直紅到而家。但係正如牛仔褲咁，有啲單品係永遠的時尚。高腰西褲對於身材相對比較矮小的亞洲女性嚟講，就好似牛仔褲係歐美時裝界一樣咁重要！

韓國由今年起，高腰西褲的穿著率已經同韓妹過往招牌性的短裙有得比。我地都唔可以執輸！尤其香港秋冬一貫係濕冷，穿短裙雖然係靚，但風起個陣真係幾難頂，著西褲就可以依舊時髦同時又保暖啦～再加上西褲款式簡單，上身點襯都得，大衣﹑羽絨﹑衛衣都可以隨便搭。

以下面呢條橡筋腰西褲為例，佢腰部有特殊收腰設計，可以撫平腰側同後腰的贅肉，而臀部兩側的口袋位仲可以稍稍修飾假胯寬，加上直筒褲腳，對腳即時長半米！

如果著西褲著到嫌悶，不妨試下西裝面料的闊褲，顯腿長效果仲要加倍添！仲超級顯瘦啊

＃永不過時的針織衫

秋冬著針織衫唔係咩新野，薄薄的針織或棉質外套份外有秋意，相信都係大家秋冬時節的好朋友，畢竟方便又百搭，但就算係同一個風格都有好多細節可以玩咖！比如用同色系的顏色作配搭已經令造型更有漸層，加小小裝飾已經可以錦上添花啦。

雖然都係針織衫，但係衣領﹑肩膀位的剪裁上略加變化，就可以令成個人氣質煥然一新。邊個話針織只可以溫柔斯文？

如果想睇落看起來慵懶熟女啲，可以嘗試粗針針織衫，上身更有質感，秋冬氣息亦更濃厚。以下面針織拼色露肩TOP為例，假兩件的設計超特別～乾燥玫瑰色都係今年的大熱色～

另外今年超紅的韓式針織新穿搭就係「外套上衣」，稍微去韓網逛一圈，都可以見到唔少針織衫都係鈕扣設計，正正就係因為今年韓妹份外鍾意一種「外穿感」。要留意翻太厚織就唔好扎入腰裡面，如果唔係好易顯臃腫咖！

#懶人至愛的衛衣

好多人刻板印象中的韓系風格似乎都局限係斯文﹑簡約風，但其實韓式街頭風格都好值得參考咖！韓系衛衣行佢地一貫的精巧華麗風，大量運用蕾絲﹑珠花﹑大型圖案等相對誇張的元素，偶爾會混入少少復古氣息，板型則普遍係oversize，建構成獨樹一格的「韓式衛衣」。

對韓國女仔嚟講，衛衣甚至係佢地秋冬的必備單品，既舒適又保暖，亦係屬於萬能配搭的其一。好似下圖店主咁簡單一條牛仔褲已經好好睇啦～

短褲都不在話下。

＊多層次穿搭法＊

介紹完單品，接下來就同大家科普下今年的全新風格啦～

韓妹由今年初就開始研究layering，令穿搭更有趣味，而且適合唔同身形的人，肉肉的女仔可以揀啲寬鬆又有層次感的單品，除了可以遮肉，仲可以顯瘦顯高！而身型比較瘦削的女仔，多層次穿搭亦可以令你睇上去冇咁單薄咖～

韓系穿搭最吸引人的地方，就在於善於利用看似普通的單品互相搭配，制造獨特的亮點，令造型變得不平凡。而秋天正正係展現韓風穿搭術的完美時機，早晚的溫差最啱一件薄外衣做外搭，輕鬆呈現百變風格。

所謂「多層次穿搭法」，其實係用不同背心﹑薄衫做內外配搭，為身形加上線條和層次，同時令造型看起來簡約中帶心思。係秋季都可以著夏季買落的性感背心，唔會太暴露的同時也可以展露身體線條，又可以保暖擋風，係個實用又不失時尚感的好絕招！而且，多層次穿搭法可以突顯頸部和鎖骨的線條，有一種隱秘的性感，話咁易吸引途人的目光！

技巧好簡單，其實只不過係普通的吊帶背心外面，加穿領口大或是低胸的短版上衣，最安全的做法係選擇內外同顏色或同色系，想進階啲的朋友都可以挑戰下對比色，向亮色系達人孔孝真進發！

而我地都有唔少嘅背心套裝，都係舒服的彈線料，百搭易襯，面料貼膚，自然地包裹曲線，充滿女人味。

下面呢件線料套裝就啱哂初秋天氣，面料涼爽得嚟又擋到風。